Жұмысшы мамандықтар жылы - 2025

Алматыдағы Инновациялық техникалық колледжінде «Жұмысшы мамандықтар жылы - 2025» аясында қалалық спорттық бағдарламалау байқауы өтті. Байқау бағдарламалауды дәріптеуге, кәсіби дағдыларды дамытуға және болашақ IT мамандарын даярлауға бағытталған.

Спорттық бағдарламалау - қатысушылар әртүрлі бағдарламалау тілдерін қолдана отырып, алгоритмдік есептерді шешетін сайыс. Ол логикалық ойлау, шығармашылық қабілет пен жас бағдарламашылардың бәсекеге қабілеттілігін арттыруға ықпал етеді.

Биыл байқауға қаланың 18 колледжінен студенттер қатысты. Жеңімпаздар алгоритмдер мен есептерді шешудегі жоғары біліктіліктерін көрсетті.

Мұндай іс - шаралар қатысушылардың кәсіби дағдыларын дамытуға ғана емес, тәжірибе алмасуға, болашақ мамандардың байланысын нығайтуға және IT саласындағы мансаптық мүмкіндіктерін кеңейтуге мүмкіндік береді.